Բրազիլիայի հավաքականի պաշտպան Տիագո Սիլվան մեկնաբանել է Պորտուգալիայի ընտրանու առաջատար Կրիշտիանու Ռոնալդուի վնասվածքը, որի պատճառով «Ռեալի» ֆուտբոլիստը չի կարողանա մասնակցել բրազիլացիների հետ ընկերական հանդիպմանը:

-Միշտ էլ հաճելի չէ լսել ֆուտբոլիստների վնասվածքների մասին: Ես մեծապես հուսով եմ, որ այդ տեղեկությունը կեղծ կլինի, ու Ռոնալդուն կկարողանա խաղադաշտ դուրս գալ:

Այդպիսի մակարդակի ֆուտբոլիստը միշտ պետք է լինի կատարյալ մարզավիճակում, որպեսզի ցուցադրի իր ֆուտբոլը: Նրա մասնակցությամբ հանդիպումներն ինքնաբերաբար դառնում են դիտարժան,- ասել է Սիլվան: