21:27 Ռեդնապ. Ռոնալդուն կարող է Բեյլի համար «Ռեալը» վերածել ամայի վայրի | |
«Քուինզ Փարք Ռեյնջերսի» գլխավոր մարզիչ Հարի Ռեդնապը խոսել է «Մարդիդի «Ռեալում» Գարեթ Բեյլին սպասվող հեռանկարների մասին։ Հիշեցնենք, որ նա «Տոտենհեմում» մարզել է ուելսցի ֆուտբոլիստին։ «Բեյլի ամենամեծ գործը պետք է լինի Ռոնալդուի ստվերից դուրս գալը, բայց դա հեշտ չի լինելու։ Ռոնալդուն Մադրիդում հզոր աստղ է ու կցանկանա իրացնել հարվածների 90%-ը։ Գարեթը պետք է ստիպված պաշտպանի իրեն, և դա հզոր միտք կպահանջի։ Գարեթը երիտասարդ տղա է, ով ժամանակն անցկացնում է իր ընտանիքի և ընկերուհու հետ, և ես համոզված չեմ, որ Ռոնալդուի և Մեսսիի հետ նույն գծի վրա գտնվելը նրան հարմար կլինի։ Եթե Ռոնալդուն իր դերը նսեմացված զգա Գարեթի ժամանումով, Մադրիդը կարող է ամայի վայր դառնալ նրա համար, ուստի Գարեթն ստիպված է լինելու հենվել Անչելոտիի վրա, ով անգլերեն գիտի, և Պոլ Կլեմենտի, ով անգլիացի է։ Լուկա Մոդրիչը ևս հին ընկեր է և կարող է օգնել նրան։ Միակ բանը, որ ակումբը չի կարող ապահովել Գարեթի և Ռոնալդուի համար, յուրաքանչյուրին մեկական գնդակ տալն է, հետևաբար նրանք ստիպված են լինելու քրտնաջան աշխատել համագործակցության վրա, քանի որ շատ նման խաղացողներ են։ | |
|
| |
| Մեկնաբանություններն ընդամենը՝: 0 | |