Մադրիդի «Ռեալի» բրազիլացի կիսապաշտպան Կական, ամենայն հավանականությամբ, այսօր պաշտոնապես կդառնա «Միլանի» խաղացող:

31-ամյա բրազիլացի կիսապաշտպանը իտալական ակումբի հետ կկնքի երկամյա պայմանագիր, հաղորդում է Football Italia-ն` հղում կատարելով Cadena Ser-ին ու Sky Sport Italia-ին:

«Ռեալը» խաղացողին բաց կթողնի լիովին անվճար: Կողմերը կամ երկկողմանի համաձայնությամբ կխզեն պայմանագիրը, կամ Կական երկու տարով վարձավճարով կտեղափոխվի «Միլան»: