17:17 «Ռեալը» ձմռանը նոր հարձակվողի համար մտադիր է ծախսել 50 մլն. եվրո | |
Մադրիդի «Ռեալը» ձմռանը պատրաստ է վերադառնալ տրանսֆերային շուկա ու ձեռք բերել նոր հարձակվող: «Արքայական» ակումբն ամռանը բաց թողեց Գոնսալո Իգուայինին' նրան վաճառելով «Նապոլիին»' վստահելով հարձակվողներից մյուսին' Կարիմ Բենզեմային: Այն դեպքում, եթե 25-ամյա ֆրանսիացի ֆուտբոլիստը մրցաշրջանի առաջին կեսում չկարողանա դրսևորել իրեն, մադրիդցիները հունվարին կփորձեն առջևի գիծն ամրապնդել նոր հարձակվողի օգնությամբ: Ըստ Marca-ի' «Ռեալը» նոր հարձակվող ձեռք բերելու համար ձմռանը պատրաստ է ծախսել 50 մլն. եվրո, իսկ, որպես տրանսֆերային հիմնական թիրախներ, նշվում են Լուիս Սուարեսի ու Ռադամել Ֆալկաոյի անունները: Երկու ֆուտբոլիստներն էլ իրենց թիմերի կազմերում այս մրցաշրջանում չեն մասնակցելու եվրոգավաթներին, ու մադրիդյան ակումբը, նրանցից որևէ մեկի հետ պայմանագիր կնքելու դեպքում, կկարողանա հանգիստ հայտավորել Չեմպիոնների կամ Եվրոպա լիգաների գարնանային փուլին:
| |
|
| |
| Մեկնաբանություններն ընդամենը՝: 0 | |