12:59 El Pais. «Ռեալի» 15 ֆուտբոլիստներ պահանջում է Մոուրինյոյի հրաժարականը | |
El Pais-ի հաղորդած տեղեկությունների համաձայն, Մադրիդի «Ռեալի» ֆուտբոլիստների մեծամասնությունը պահանջում է գլխավոր մարզիչ Ժոզե Մոուրինյոյի հրաժարականը: Աղբյուրը գրում է, որ ակումբում անցկացվել է անանուն հարցում, որի արդյունքում 15 ֆուտբոլիստներ կողմ են արտահայտվել պորտուգալացու հեռանալուն: 5 ֆուտբոլիստներ էլ նշել են, որ պատրաստ են հեռանալ նրա մնալու պարագայում: Նշենք, որ Մոուրինյոն և «Ռեալի» ղեկավարությունը բազմիցս նշել են, որ «առանձնահատուկի»` ակումբում մնալու հարցին վերջնական պատասխան կտրվի մրցաշրջանի ավարտից հետո, սակայն եվրոպական մամուլում այս կարգի լուրերն ավելի ու ավելի են շատանում են: Վիճահարույց է նաև այն հարցը, որ ամռանը «Ռեալում» կայանալիք նախագահական ընտրություններում Ֆլորենտինո Պերեսի հաղթանակի դեպքում, ամենայն հավանականությամբ կվաճառվեն Դի Մարիայի, Լուկա Մոդրիչի և Ֆաբիո Կոենտրաուի տրանսֆերային իրավունքները: Նշենք` այս երեք ֆուտբոլիստներն էլ «արքայական» ակումբ են տեղափոխվել Մոուրինյոյի նախաձեռնությամբ:
| |
|
| |
| Մեկնաբանություններն ընդամենը՝: 0 | |