Մադրիդի «Ռեալի» ու Իսպանիայի հավաքականի նախկին կիսապաշտպան Գուտին պատմել է «Կարմիր Ֆուրիայի» ներկայիս գլխավոր մարզիչ Վիսենտե Դել Բոսկեի հետ իր ոչ հարթ հարաբերությունների մասին:

-Երբ ես 14 տարեկան էի, Դել Բոսկեն «Ռեալի» երիտասարդական թիմի գլխավոր մարզիչն էր: Նա ինձ ասաց. «Փոխի՛ր սանրվածքդ, այլապես ոչնչի չես հասնի ֆուտբոլում»: Սակայն ես չլսեցի: Ու, գիտեք, ես կարծես այդքան էլ վատ կարիերա չեմ ունեցել: Միայն այժմ' սպորտից հեռանալուց հետո եմ որոշել փոխել մազերիս տեսքը: Ինչ վերաբերում է Դել Բոսկեի հետ իմ հարաբերություններին, ապա նա միշտ առանձնահատուկ կերպով է վերաբերվել ինձ: Մշտապես փորձել է աջակցել ու օգնել,- ասել է Գուտին իսպանական PuntoPelota հեռուստահաղորդաշարի ժամանակ:

Հիշեցնենք' «Արքայական» ակումբի նախկին ֆուտբոլիստը մադրիդցիների կազմում անցկացրել է 542 հանդիպում, Իսպանիայի հավաքականում' 13 խաղ: