Մադրիդի «Ռեալի» գլխավոր մարզչի օգնական Այտոր Կարանկան մեկնաբանել է Իսպանիայի առաջնության 32-րդ տուրում «Բետիսի» նկատմամբ տարած հաղթանակը (3։1)։

«Բոլորս գիտենք, թե ինչ մակարդակի ֆուտբոլիստ է Օզիլը։ Անգամ այն ժամանակ, երբ նա ոչ այնքան լավ մարզավիճակում է գտնվում, նրա խաղը շատ օգտակար է լինում թիմի համար։

Կասեմիրոյի խաղին շուտվանից ենք ծանոթ։ Բրազիլիայի Մ20 հավաքականի կազմում նա բազմաթիվ հանդիպումներ է անցկացրել։ Ֆուտբոլիստն այս խաղում լավ տպավորություն թողեց», – Կարանկայի խոսքերն է մեջբերում «արքայական ակումբի» պաշտոնական կայքը։